Les mots surlignés font l'objet d'une note
1Monseigneur, incontinent que fus adverty que les rebelles avoint passé
2à Combovin, jenvoys pour les recognoistre et quelque diligence quon aye
3sceu fère, lon na peu entendre sil nest quilz estoint envyron deux centz
4arquebuziers et vingt chevaulx qui passarent entre Chabeul et Montvendres,
5venantz de Combovin et tendantz contre le couchant, en sorte quil est à
6croyre quilz ont passé le Rosne ou quilz se sont embusclés en
7quelque grangeage ou boys. Hier matin, ont esté jusques près de
8ce lieu envyron trèze harquebuziers à cheval venantz à travers
9champs du costé de Combovin, sans sarrester sen sont retorner par
10le mesme chemin et ne scavons quelles gens sont. Nous faysons bonne
11garde et navons besoing de forces quand à present car sont arrivés
12plusieurs catholiques cogneux des lieux circonvoysins qui, de
13craincte se sont retirés avec nous et à ce que puis cognoistre,
14si les communies sont employées, elles porrons fère quelque
15choze. En ce quartier ne craignons que le chasteau de Barbières,
16quest fort et dimportance et estoit hier sans garde. Mais je
17y ay envoyé pour le fère garder par ceulx du lieu qui avoint
18acoustumé et cessé la garde comme ilz ont respondu, tant pour rayson
19de la trefve, comme ce quilz sexcusent de limposibilité pour estre peu
20de gens et pauvres, que long temps y a, ilz avoint poursuivy davoir
21en ayde Sansons et Fiansayes, ce que seroit bien neccessaire pour le peu de
22nombre des subiectz dudit Barbières, pauvreté diceulx et que Sansons
23est aussi proche dudit chasteau que Barbières, dequoy semble, sauf
24votre bon pleysir, estre neccessaire, si ceste guerre dure, dy pourveoir
25pour leur donner daydes, comme monsieur d’Ourche scait ce que luy
26en a esté remonstré. A quoy a esté dillayé pour esperance
27(116 v°] de la paix. Et nestant ceste à autres fins, je supplye
28le Createur
29monseigneur, vous augmenter ses graces et conserver en votre
30estat et prosperité. A Montellier, ce VIme febvrier 1574.
31Votre très humble serviteur
32fran[çois] grillier